Царински терминал / Сегашно Министерство за одбрана
Објекти/Објектот е класичен претставник на градската архитектура, кој датира од почетокот на XX век, поточно во 1934 година од италијанската окупаторска војска како царински терминал, бидејќи во близина била италијанско–бугарската граница. Се наоѓа непосредно до Охридското езеро и устието на река Дрим во истото. Во периодот од 1945 до 1952 година служи како воена команда на ЈНА. Во 1953 година го презема туристичката агенција „Турист” со што објектот станува првиот хотел во Струга, наречен хотел „Галеб”. По 1965 година, објектот го презема општината и оттогаш функционира како општинска зграда каде бил сместен претседателот на општината, народната одбрана и други сектори.
Моментално објектот го користи Министерствотo за одбрана - п.е. Струга. Сегашната спратна висина на објектот е П+2 ката и висок тавански простор со кружни отвори видливи на фасадата, поточно соодветствува со висината на објектот добиена со последните преправки. Објектот го задржал оригиналниот фасаден изглед и оригиналниот ентериер од 1953 година кога е изграден вториот кат.
Одолевајќи му на товарот на времето, овој објект е вистински показател на архитектонско – градежните вредности на периодот во кој е изграден.
Година на градење 1934
Инвеститор / Сопственик Италијанската окупаторска војска
Град / Општина Струга
Адреса ул. „Партизанска“ бб.
Катност П+К (во 1953 се доградува уште еден кат и поткровје, денес објектот е со катност П+2+Пк)
Типологија според оригиналната намена
Типологија според денешната намена
Заштитен статус Има
- Хронологија на изградба (проект, градежни фази)Во 1934 година е изграден објектот П+К. Во 1953 се пренаменува во хотел (прв во Струга) и тогаш се доградува еден кат и поткровје. Приземните делови од објектот ориентирани кон езерото се срушени, а пред централниот дел е изграден приземен простор од јужната страна изѕидан од камен и застаклен со големи прозорски дрвени отвори каде што бил сместен ресторантскиот дел. Во тој период се направени интервенции и на фасадатите од објектот за кои не постои никаков пишан документ.КатностП+К (во 1953 се доградува уште еден кат и поткровје, денес објектот е со катност П+2+Пк)СтруктураОбјектот е изграден со ѕидови од полна тула, дрвени меѓукатни конструкции и дрвен повеќеводен покрив, со покривање од ќерамиди.ПокривПовеќеводен покрив со дрвена потконструкција и покривање со ќерамиди.ФасадаОбјектот има симетрични фасади, прочистени од фасадна декорација. Надворешна обработка во малтер.СтоларијаНадворешната и внатрешната столарија на објктот се изработени од дрво. Прозорците се ритмично поставени, а во делот на поткровјето се појавуваат кружни прозорци. На северната фасада се појавува осветлување по вертикала, со метални рамки, карактеристично за комуникациско јадро.Ентериер / Заеднички содржиниПодови и скалиште од терацо со пластично обликувана ограда од полна тула малтерисана и обоена, малтерисани бели ѕидови и тавани.КонтекстГраден од страна на окупаторската италијанска војска за нивните потреби т.е. тогашната граница со Бугарија. Се наоѓа непосредно до Охридското езеро и устието на река Дрим во истото. Од другата страна се среќаваат други објекти со јавен карактер: зградата на Општина Струга (претходно основно училиште) од истиот период и Домот на култура од периодот после војната.
- ПокривПовеќеводен покрив со дрвена потконструкција и покривање со ќерамиди.ФасадаОбјектот има симетрични фасади, денес бело малтерисани. Има плитка, декоративна пластика со вертикални и хоризонтални линии. Објектот го задржал оригиналниот фасаден изглед од 1953 година кога е изграден вториот кат.СтоларијаНадворешната и внатрешната столарија е дрвена и е од времето кога објектот бил пренаменет за угостителство. Се појавуваат неколку нови прозорци од ПВЦ и метална врата. Поновоизградениот приземен простор од јужната страна e застаклен со големи отвори, изработени од ПВЦ.Ентериер / Заеднички содржиниПодови и скалиште од терацо со пластично обликувана ограда од полна тула малтерисана и обоена, малтерисани бели ѕидови и тавани.Состојба на надворешностазадоволителнаСостојба на внатрешносталошаАвтентичност на надворешностазадоволителнаАвтентичност на внатрешностазадоволителнаПромениВо 1934 год. се гради и се користи од италијанската војска. Од 1945 до 1952 год. ѝ служи на ЈНА. Од 1965 функционира како општинска зграда, а денес се користи од Министерството за одбрана. Надворешната и внатрешната столарија е дрвена и е од времето кога објектот е пренаменет за угостителство.
- Со голема експанзија на капиталот како и со преизграденост на останатите простори од градот и овој простор стана атрактивен за градба и комплетна урбанизација со високи стамбени објекти но со оглед на неговиот заштитен статус овој ризик би требало да е намален. Архитектонскиот објект поради перманентниот недостиг на финансиски средства е нередовно одржуван од страна на корисникот и е оставен на забот на времето.
- Има Решение за привремена заштита Уп. бр. 18-187 од 23.03.2011 / Решение за поништување на Решение за привремена заштита Уп1. бр. 61-502/2015 од 11.05.2016 / Значајно културно наследство Уп. бр. 18-187 од 14.05.2012
- историскa општествена / социјална емотивна архитектонска и естетска Историската вредност лежи во изградбата од страна на италијанската војска. Општествено, објектот повеќе пати ја менувал својата функција со текот на годините и е останат во меморијата на граѓаните. Архитектонската естетска вредност е исклучителна поради неговите пропорции и обликување и контекстот во кој се наоѓа.
- Препорака до имателите на доброто: Да се почитува вредноста на објектот, водење поголема грижа и тековно одржување на самиот објект после негова целосна реконструкција. Подобра презентација на неговите амбиентални вредности, посебно поради неговата местоположба во градот. Исто така, партерното уредување недостасува и треба да се изврши соодветно.
- Елаборат за валоризација на архитектонскиот објект Министерство за Одбрана - П.Е. Струга во Струга, иработен од НУ Завод и Музеј - Охрид.