Аптека и куќа на Михаил Стојанов (Милчо аптекарот)
Објекти/Објектот на аптеката го зафаќа аголот на главното шеталиште во Струмица и улицата „Маршал Тито“. Изграден во периодот помеѓу двете светски војни, архитектот не е познат. Стилски припаѓа на раната модерна, со прочистена фасада од орнаменти и појавување на кружни прозорчиња кои ќе станат средство за препознавање на модерниот израз во архитектурата.
Во основа објектот се развива во форма на буквата „Г“. Чисти геометриски форми и полукружно обликуван агол, акцентиран со заоблен балкон на првиот кат. Аголот дополнително е акцентиран со висока атика која го затскрива косиот сложен покрив.
Период 1930-1939
Град / Општина Струмица
Адреса ул. „Герас Цунев“ бр. 2
Катност Су+П+1+Пк
Типологија според оригиналната намена
Типологија според денешната намена
- КатностСу+П+1+ПкПрограмски опис (опис на план по катови)Во приземјето била аптеката, а на катот бил станот на аптекарот и неговата фамилија. Во истиот објект аптекарот изработувал дел од лековите, но нема прецизна информација во кој дел од објектот е работилницата.СтруктураОбјектот е изграден во масивен систем, со армирано бетонски плочи и исполна од полна тула.ПокривПовеќеводен покрив, дрвена потконструкција, покривање со ќерамиди. Кај аголот на објектот се појавува повисока атика со што делумно го крие покривот.ФасадаОбјектот има завршна обработка со малтер во две нијанси, потемна нијанса за потенцирање на делови од приземјето.СтоларијаЦелокупната столарија на објектот е изработена од дрво. Во приземјето поради неговата комерцијална намена има високи дрвени прозорци во вид на излог. Во другиот дел од објектот се појавуваат дупли дрвени прозорци и врати повеќето со правилна геометриска форма, а во делот на поткровјето се појавуваат и кружни прозорци. Кај комуникациското јадро има прозорец по цела висина (стаклена ѕид-завеса), со метални рамки.Ентериер / Заеднички содржиниКомуникацисото јадро е изведено со двокраки скали и метална ограда со дрвен гелендер. Јадрото е природно осветлено.КонтекстОбјектот е дијагонално поставен од зградата на Општина Струмица, применувајќи ист третман на агол, со заоблување. Објектот на аптеката е подоцна изграден и затоа се забележува отсуство на фасадни декорации. Поставен е на еден од позначајните агли во Струмица, од една страна главното шеталиште, а од другата страна улица „Маршал Тито“ (ја продолжува линијата на старата чаршија), наспроти Мал парк.
- ПокривПовеќеводен покрив, дрвена потконструкција, покривање со ќерамиди. Кај аголот на објектот се појавува повисока атика со што делумно го крие покривот. (Промена на косината на покривот, поблага косина со цел да се добие поголема висина во поткровјето. ***Информацијата не е потврдена)ФасадаОбјектот има завршна обработка со малтер во две нијанси, потемна нијанса за потенцирање на делови од призмејето и рамки околу прозорските отвори. Еден дел од фасадата на приземјето, кој претставува посебна комерцијална содржина е обложен со црни алуминиумски панели.СтоларијаПриземјето е променето, со поставување на нова ПВЦ столарија. Во другиот дел од објектот се задржани старите, автентични дупли дрвени прозорци, повеќето со правилна геометриска форма, а во делот на поткровјето се појавуваат и кружни прозорци. Кај комуникациското јадро има прозорец по цела висина (стаклена ѕид-завеса), со метални рамки. Во ентериерот дел од дрвените врати се автентични.Ентериер / Заеднички содржиниКомуникацисото јадро е изведено со двокраки скали и метална ограда со дрвен гелендер, автентична, а скалниците се покриени со плочки. Јадрото е природно осветлено.Состојба на надворешностазадоволителнаСостојба на внатрешностазадоволителнаАвтентичност на надворешностазадоволителнаАвтентичност на внатрешносталошаПромениЗатворање на преден влез во приземје (западна фасада, кон струмичкото главно шеталиште). Промени во скалишното јадро (затворен пристап од скалишно јадро за потребите на банка). Целосно реновирање на ентериерот. Промена на приземјето. Затворање тераса на прв кат. Додавање натстрешници над затворената тераса и над излезот кон тераса на поткровје. Интервенција во кровот - поблаг агол.
- Најголеми закани и ризици за градбата се променливите заштитни и градежни политики, како и прилагодувањето на законските регулативи кои не одат во прилог на нејзиното зачувување, што резултира со секојдневно обезличување или губење на вредни објекти кои сведочат за урбаниот развој на Струмица и обезбедуваат негов историски континуитет.
- историскa архитектонска и естетска општествена / социјална Објектот припаѓа на меѓувоениот период и е еден од првите примери на ран модернизам. Објектот е првата аптека во градот Струмица.
- Препорака до имателите на доброто: Да се почитува вредноста на објектот при поставување на елементи директно на фасадите и доколку се прават промени истите да бидат во насока на зачувување на неговата автентичност.
- Дел од фотографиите се преземени од фејсбук страницата „Стара Струмица“.