Станбена зграда Салковиќ - Стојковиќ
Објекти/Објект е проектиран како двокуќа како две независни целини со посебни влезови и комуникациски јадра, кои се поставени на задната фасада, калкани помеѓу нив со заедничка фасада. Фасадата е целосно вклопена со соседниот објект кој исто така го проектирал Иван Артемушкин. Фасадата целосно е ослободена од орнаменти, со нагласени хоризонтални длабоки фуги, таа добива еден прочистен модернистички израз. Терасите се плитки со заоблени ќошиња и специвична челична ограда која е изработена во линиска композиција.
Архитект Иван Артемушкин
Година на проектирање 1933
Инвеститор / Сопственик Двајца сопственици, Салковиќ Томо и Стојковиќ Петар
Град / Општина Скопје
/ Центар
Адреса ул. „Луј Пастер“ бр. 19 (крак од ул. „Македонија“)
Катност По+П+2
Типологија според оригиналната намена
Типологија според денешната намена
- Хронологија на изградба (проект, градежни фази)Објектот е проектиран во 1933 год. Објектот е изграден во 1934 год.КатностПо+П+2Програмски опис (опис на план по катови)Бидејќи зградaта е на двајца сопственици, поделена е по вертикала на два незaвисни целини, со засебни вертикални комуникации. Во приземјето се предвидени комерцијални содржини е се сместени дуќани. На катовите има по еден стан со скромни димензии, но функционално решени со тоалет и бања.СтруктураЗградата е од тврд материјал. Темелите, ѕидовите во подрумот се од набиен бетон. Столбовите на приземјето се од армиран бетон. Ѕидовите на првиот и вториот кат се од добро печена цигла на варов малтер. Подрумската меѓукатната и таванската конструкција се од армирани бетонски плочи. Кровната конструкција е дрвена од фино обработена чамова граѓа. Водоводна инсталација со авто. пумпа и бунар во подрумот.ПокривКровната конструкција е дрвена од фино обработена чамова граѓа. Покривање со ќерамиди од филц на оплата од даски во кал.ФасадаФасадата од вештачки камен (штокован). Исто така на фасадаат се нагласени влезните врати со челични профили поставени косо, во форма на рибина кост.СтоларијаПрозорите се дупли, надворешните делови од столаријата од борова граѓа, внатрешната столарија од чамово дрво.ПартерОбјектот излегува на јавна пешачка зона - денес крак од ул. „Македонија“.Ентериер / Заеднички содржиниСкалите, челата и подестите на првиот и вториот кат, како и на влезот се предвидени од вештачки камен (терацо). Скалите кон подрумот се обични, бетонски.Ентериер / Приватни содржиниСите внатрешни ѕидови и плафони се малтерисани со варов малтер и окречени. Подна обработка во становите: патос изведен од даски на перо и жлеб поставени на потпатосница од борово дрво. На терасата, кујната и бањите се предвидуваат бетонски плочи или бетонска кошулка.КонтекстЗградата е поставена во низа и со својата фасада го следи компактниот уличниот фронт, почитувајќи ги просторните референци на соседните објекти. Артемушкин како проектант на двете згради на Фамилијата Крстиќ (аголна зграда која го дефинира уличниот фронт на ул. „Македонија“, а другата фасада го дефинира уличниот фронт на ул. „Луј Пастер“), ги запазил висините на балконите, прозорските отвори и нивниот ритам во зградата на Салковиќ Томо и Стојковиќ Петар.
- ПокривДвоводен покрив покриен со ќерамиди.ФасадаЗа жал, едниот објект е деградиран целосно (десно од проектот), по основа на доградба, надградба и тотално променета фасадата (современа структурална фасада) и поради неговата намена внатрешните простории се целосно променети.СтоларијаЦелосно променета заменета со современа структурална фасада.ПартерСо новата градба, која целосно го нарушува уличниот фронт, со поставување на предмети и урбана опрема за комерцијални цели од потребите и намената на објектот.Состојба на надворешностадобраАвтентичност на надворешностазадоволителнаПромениДоградба на поткровје на левиот објект. Во поново време, едниот објект е надграден, дограден и променета фасадата (современа структурална фасада) и поради неговата намена внатрешните простории се целосно променети. Сѐ уште не се пронајдени историски фотографии од првичната состојба.
- Губење во целост на архитектонски вредности на градот (историски, културолошки, авторски, естетски, функционални итн. )
- архитектонска и естетска авторство историскa
- Препорака до имателите на доброто: Да се почитува вредноста на објектот при поставување на елементи директно на фасадите и доколку се прават промени истите да бидат во насока на зачувување на неговата автентичност.
- Државен Архив на Република Северна Македонија, Одделение Скопје. арх. бр. 6.1.349.31/230-251.