Станбена зграда на Бранислав Протиќ
Објекти/Станбената зграда на архитектот Бранислав Протиќ е изградена во стил на модерен рационализам, каде се истакнуваат чистите форми и отсуството на украсни елементи. Нејзиниот дизајн е асиметричен и динамичен, со фасада која се состои од четири изразени вертикални ризалити. Овие ризалити се разликуваат по ширина, што не само што ја збогатува визуелната разновидност туку и ја открива функцијата на внатрешните простории.
Архитект Бранислав Протиќ
Година на проектирање 1937
Инвеститор / Сопственик инж. Бранислав Протиќ
Град / Општина Скопје
/ Центар
Адреса Бул. „Св. Климент Охридски“ бр. 21а
Катност По+Пр+3
Типологија според оригиналната намена
Типологија според денешната намена
- Хронологија на изградба (проект, градежни фази)Објектот е проектиран во 1937 год.КатностПо+Пр+3Програмски опис (опис на план по катови)Во приземјето е предвидена комерцијалнa содржинa со еден дуќан и дел за домување. На катовите има по еден стан чии основа е функционално решение и има современ концепт за домување. Во скалишниот простор има двокраки скали и истиот е природно осветлен преку непрекинат фасаден вертикален прозор. На последниот кат е поставено мало студио кое не ја зафаќа целата основа.СтруктураОбјектот е изграден во масивен конструктивен систем со армирано-бетонски меѓукатни конструкции. Според оригиналниот технички опис ѕидовите во подрумот и темелите на објектот се од набиен бетон, а ѕидовите на приземјето и катовите од печена тула во варов малтер.ПокривНад дел од зградата била направена кровната конструкција од тесана чамова граѓа покриена со ќерамиди од филц, а над останатиот дел била изведена рамна тераса покриена со асфалтна покривка. Лимарските работи биле изведени со поцинкуван лим.ФасадаФасадата е малтерисана со продолжен малтер со прскање.СтоларијаНадворешните делови на столаријата биле изработени од борово дрво, а од внатрешната страна од чамово дрво. Фасадните прозорци биле поделени во четири партиции и обоени.ПартерЗградата со својата главна фасада излегува на јавен простор (тротоар).Ентериер / Заеднички содржиниКомуникациско јадро: скали изведени во терацо со ограда од ковано железо и дрвен ракофат. Влезни врати во становите: дрвени, бело обоени.КонтекстЗградата е поставена во низа и со својата главна фасада го следи уличниот фронт. Архитектот Бранислав Протиќ на потегот на тогашната улица „Венац Цара Душана“ (денешен бул. „Св. Климент Охридски“) изградил уште една во истиот модернистички стил.
- ПокривПовеќеводен покрив покриен со ќерамиди и лим. Рамната тераса е затворена.ФасадаФасадата е обоена во две бои. Приземјето е целосно променето со претварањето на станбениот простор во комерцијален.СтоларијаВо надворешната столарија речиси сите прозорци се променети со ПВЦ, со исклучок на неколу прозорци. Столаријата кај вратите и излозите на дуќаните е променета со ПВЦ/алуминиумска.ПартерЗградата со својата главна фасада излегува на јавен простор (тротоар).Состојба на надворешностазадоволителнаАвтентичност на надворешностазадоволителнаПромениНаправени се повеќе промени за кои не е обезбедена информација кога се случиле: -На уличната фасада, над рамниот кров е додаден покрив со лесна метална конструкција од лим. -Станбената единица на приземјето е претворена во комерцијална со посебен скалишен влез од страничната фасда. -Променета е столаријата на прозорците и влезните врати во становите (се менувала индивидуално, не водејќи сметка за надворешниот изглед на зградата.
- историскa авторство архитектонска и естетска
- Препорака до имателите на доброто: Да се почитува вредноста на објектот при поставување на елементи директно на фасадите и доколку се прават промени истите да бидат во насока на зачувување на неговата автентичност.
- Државен Архив на Република Северна Македонија, Одделение Скопје. арх. бр. 6.1.346.43/474-492.