Куќа на Бранислава Милојковиќ
Објекти/Објектот е проектиран во 1937 година како индивидуална семејна куќа на Бранислава Милојковиќ и е дело на архитектот Драгутин Илиќ. Куќата на има геометриска композиција базирана на комбинирање на два испреплетени кубични волумени со различна височина кои се оживеани со употреба на две бои, венци и ниши во кои се сместени дел од прозорците. На југоисточниот агол кон задниот двор, кубичниот волумен преоѓа во заоблен на ниво на сутеренот и приземјето.
Чистотата на линиите и хармоничноста во обработката на главната фасада се во духот на модерната. Полукругот како мотив освен кај нишите со прозорци на фасадата е транспониран и кај оградата на куќата. Куќата има два влеза, главен на уличната фасада кој води во високото приземје и спореден на западната фасада од каде се влегува во сутеренот.
Архитект Драгутин Илиќ
Година на проектирање 1937
Инвеститор / Сопственик Бранислава Милојковиќ
Град / Општина Скопје
/ Центар
Адреса Ул. „Јордан Хаџиконстантинов Џинот" бр.3
Катност Су+П+Пк
Типологија според оригиналната намена
Типологија според денешната намена
- Хронологија на изградба (проект, градежни фази)Објектот е проектиран во 1937 год. Објектот е изграден во 1937 год.КатностСу+П+ПкПрограмски опис (опис на план по катови)Во приземјето и катот има станбени содржини. Во сутеренот на северниот дел се наоѓаат подрумски и помошни простории, додека во јужниот дел е смесетно домување Во куќата се влегува преку два влеза, главниот на уличната фасада и спореден на западната. На катот се наоѓа и кровна проодна тераса.СтруктураОбјектот е изграден во масивен систем. Темелите, и ѕидовите на сутеренот се изведени од набиен бетон, а ѕидовите на приземјето, катот и во таванот се од полна тула со варов малтер. Објектот има армирано-бетонска меќукатна конструкција, балконски плочи и плочите под терасите. Кровната конструкција е дрвена.ПокривПовеќеводен покрив покриен со ќерамиди и отворена проодна тераса.ФасадаФасадата е малтерисана со цементно-варов малтер. Во фасадната обработка се користени две нијанси на боја. Има плитка декоративна пластика со расчленување на површината со хорзонтални и вертикални линии кои фарбани во црвена боја.СтоларијаНадворешната столарија, која се состои од прозорци, балконски врати и влезна врата се изработена од дрво. Прозорите на виското приземје имаат дрвени заштитни ролетни. Влезната порта во дворот е изработена од ковано железо.ПартерКуќата е слободностоечка со преден и заден двор со зеленило и бетонирани патеки. Од страна на главната фасада, поставена на бетонско цокле изведена е декоративна ограда форма на аркада изработена од тули во чии лаци има секундарна метална ограда.КонтекстКуќата е изградена во периферијата на Дебар маало, во блок во кој таа била централно позиционирана, но подоцна дел од куќите биле срушени и куќата добила аголна позиција. Најголем дел од станбените објекти во маалото имале катност од сутерен и кат и биле градени како градски индивидуални куќи и вили. Во непосредна близина на овој дел од маалото во 1939 год. била изградена скопската женска гимназија „Краљица Марија“, дело на познатиот македонски архитект Сотир Томоски.
- ПокривПовеќеводен покрив покриен со ќерамиди и покриена проодна тераса.ФасадаВо фасадната обработка се користени две нијанси на боја. Има плитка декоративна пластика со расчленување на површината со хорзонтални и вертикални линии кои фарбани во црвена боја.СтоларијаНадворешната столарија сѐ уште ги има дел од оргиналните дрвени прозорци, а во помал обем и од ПВЦ (на катот на северната фасада). Кај повеќето прозорци поставени се ПВЦ ролетни, а кај сутеренските има и метални заштитни решетки. Главната влезна врата е метална со натсветло.ПартерКуќата е слободностоечка со преден и заден двор со зеленило, дрвја и патеки од бетон и бекатон коцки. Од страна на главната фасада, поставена на бетонско цокле изведена е декоративна ограда форма на аркада изработена од тули во чии лаци има секундарна метална ограда. во југоисточниот агол на дворот изграден е мал приземен објект. Од источната и јужната страна дворот е делумно ограден со метална мрежа, а делумно со ѕид. Кон западниот сосед нема ограда.Состојба на надворешностадобраАвтентичност на надворешностадобраПромениНаправени се повеќе промени за кои не е обезбедена информација кога се случиле: - Во однос на оригиналниот проект, доградено е поткровјето, каде просторот за домување е зголемен два пати за сметка на терасата. - Отворената тераса кај поткровјето е покриена со покрив. - Кај полукружниот волумен во делот на сутеренот променети се прозорците и отворена е дополнителна врата кон дворот. - Кај некои од прозорци променета е столаријата од дрвена во ПВЦ, кај сутеренските има поставени метални решетки, а кај некои прозорци има поставено ПВЦ ролетни. - Промена на покривните ќерамиди.
- историскa архитектонска и естетска
- Надлежните институции за заштита на културното наследство и останатите носители на одлуки да ги земат предвид вредностите кои објектот ги поседува, истиот да биде препознаен како градителско културно наследство од периодот помеѓу двете светски војни и да биде впишан во инвентарот за вредни објекти. Препорака до имателите на доброто: Да се почитува вредноста на објектот при поставување на елементи директно на фасадите и доколку се прават промени истите да бидат во насока на зачувување на неговата автентичност.
- Томовски, К. & Петковски, Б. (2003). Архитектурата и монументалната уметност во Скопје меѓу двете светски војни. Скопје. Музеј на град Скопје. Константиновски, Г. (2001). Градителите во Македонија, XVIII - XX век. Скопје. Табернакул. Грчев, К. (2003). Архитектонските стилови во македонската архитектура од крајот на 19 век и периодот меѓу двете светски војни. Скопје: Институт за фолклор „Марко Цепенков“. Државен Архив на Република Северна Македонија, Одделение Скопје. арх. бр. 6.1.334.29/289-304.