Куќа на Рафаел Данон
Објекти/Индивидуалната куќа на Рафаел Данон е проектирана од архитектот Иван Артемушкин во 1935 година. Објектот e дел од периметрален блок, од едната страна граничи со објект, додека од другата страна има пристап кон заден двор. Уличната фасада ја следи линијата на фронтот, додека задната фасада е ориентирана кон дворот. Куќата се развива во сутерен, приземје и поткровје. Главниот влез во приземјето е ориентиран кон улицата, натскриен со трем што се формира од терасата на поткровјето, додека кон сутеренот се пристапува од страничната фасада.
Објектот го следи типичниот модерен репертоар, создадена е геометриска скулптурална форма, тенка покривна плоча. Парцијалните надвишувања во поткровните партии за создавање ограда за тераса, соодветен третман на прозорските отвори, врамени во едноставни геометриски рамки, како и нагласување на аголот во поткровјето преку негово заоблување.
Архитект Иван Артемушкин
Година на проектирање 1935
Инвеститор / Сопственик Рафаел Данон
Град / Општина Скопје
/ Центар
Адреса ул. „Мирослав Крлежа“ бр. 60
Катност Су+П+Пк
Типологија според оригиналната намена
Типологија според денешната намена
- Хронологија на изградба (проект, градежни фази)Проектот е изработен во 1935 година. По земјотресот има доградба на скали кон приземје од заден двор.КатностСу+П+ПкПрограмски опис (опис на план по катови)Во сутерен има подрумски простории и дел станбени содржини, на приземје се сместени станбени содржини, а на поткровјето има соба за помошничка и тераса.СтруктураОбјектот е изведен во масивен носив систем, повеќеводен покрив со дрвена потконструкција и покривање со ќерамиди.ПокривПовеќеводен покрив со дрвена потконструкција и покривање со ќерамиди. Еден дел е рамна тераса.ФасадаОбјектот е со надворешна обработка во малтер. Плитка, декоративна пластика околу прозорците.СтоларијаЦелокупната столарија на објектот е изработена од дрво.ПартерЗаден двор пристапен од улица, ограда од ѕид и метална врата.КонтекстИндивидуалната куќа се наоѓа во периметрален блок со заден двор пристапен од улица. Од едната страна граничи со сосед, додека од другата страна е одвоена од соседниот објект со пролаз кон внатрешен двор. Објектот не го следи венецот или карактеристични елементи на соседните објекти.
- ПокривПовеќеводен покрив, дрвена потконструкција и покривање со ќерамиди.ФасадаФасадата на објектот е реновирана, малтерисана во две бои, визуелно издвојувајќи го сутеренот. Задржана е плитка, декоративна пластика околу прозорците.СтоларијаНадворешната столарија е заменета со ПВЦ прозорци и врати, а дел од внатрешните дрвени врати се задржани.ПартерЗаден двор пристапен од улица, пристап преку метална лизгачка ограда.Состојба на надворешностадобраАвтентичност на надворешностазадоволителнаПромениПромена во намена на простории во сутерен, рушење и доградба на ѕидови. Промена на надворешна и внатрешна столарија. Доградба на натсрешница на тераса и странично оградување по цела катна висина. Доградба на натстрешници при влезови.
- историскa авторство архитектонска и естетска
- Препорака до имателите на доброто: Да се почитува вредноста на објектот при поставување на елементи директно на фасадите и доколку се прават промени истите да бидат во насока на зачувување на неговата автентичност.
- Ефремовски М. Чаусидис Н. (2024). Артемушкин и Скопје - Архитектонското творештво меѓу двете светски војни. Скопје 2024 Државен Архив на Република Северна Македонија, Одделение Скопје. арх. бр. 6.1.314.44/510-518.