Станбена зграда на улица „Мирослав Крлежа“ бр. 27
Објекти/Станбениот објект на ул. „Мирослав Крлежа“ бр. 27 е проектиран од архитект Иван Артемушкин во 1932 година.
Објектот е поставен на агол од периметрален блок, прекршен во три рамнини, од кои две улични фасади кои го следат уличниот фронт на блокот и калканска фасада, конкавно повлечена од аголот на блокот. Се развива во сутерен, приземје, два ката и поткровје. Во сутеренот се предвидени подрумски простории, додека на приземјето, катовите и поткровјето се предвидуваат станбени единици, чии соби се ориентирани кон улиците, додека сервисните простории се во задната зона кон внатрешноста на блокот. Становите на поткровјето во задната зона се повлечени од фасадната линија, со што се формираат отворени тераси, додека во предниот дел има и некорисен простор поради висината на таванот.
Објектот има два натсркиени влеза, поставени еден до друг, со засебно скалишно јадро - природно осветлено, кои го делат обејктот на два дела. На секој кат се пристапува во по еден стан од секое јадро. Објектот има целосно прочистена фасада, чист волумен со прозорски отвори, со единствено нагласување на хоризонталите при раздвојниот венец и фасадна обработка со плочи во сутерен.
Архитект Иван Артемушкин
Година на проектирање 1932
Инвеститор / Сопственик Василије Лепревиќ
Град / Општина Скопје
/ Центар
Адреса ул. „Мирослав Крлежа“ бр. 27
Катност Су+П+2+Пк
Типологија според оригиналната намена
Типологија според денешната намена
- Хронологија на изградба (проект, градежни фази)Проектот е изработен во 1932 година.КатностСу+П+2+ПкПрограмски опис (опис на план по катови)Во сутеренот се сместени подрумски простории и вешарници. На приземјето и катовите се сместени станбени еденици, а на поткровјето има станбени единици и кровни, проодни тераси.СтруктураОбјектот е изведен во масивен носив систем, со ѕидови од полна тула. Покривот е повеќеводен, изведен од дрвена потконструкција со покривање ќерамиди.ПокривПовеќеводен покрив со дрвена потконструкција и покривање со ќерамиди. Еден дел од покривот е рамна, проодна тераса.ФасадаОбјектот има фасадна завршница во малтер, прочистена фасада со хоризонтално одвојување на сутеренот и повторување на профилацијата на венецот над вториот кат, со цел визуелно одвојување на катовите од поткровјето.СтоларијаОбјектот има ритмично поставено прозорци, изработени од дрво. Се појавуваат еднокрилни, двокрилни и трокрилни прозорци, со хоризонтални пречници. На влезовите се поставени дрвени врати со калено стакло. Внатрешните влезни врати се изведени од дрво.Ентериер / Заеднички содржиниАрмирано бетонски двокраки скали со завршна обработка во терацо, декоративна метална ограда со дрвен гелендер, во црна боја. Внатрешните ѕидови се со завршна обработка малтер и боја. Влезните врати во станбените единици се дрвени.КонтекстСтанбениот објект на ул. „Мирослав Крлежа“ бр. 27 е поставен на агол од периметрален блок. Објектот е станбена зграда, секција со два влеза, додека третманот на аголот е преку калканска фасада, без прозорски отвори, која се повлекува конкавно од аголот на блокот.
- ПокривПовеќеводен покрив со дрвена потконструкција и покривање со лим.ФасадаОбјектот има фасадна завршница во малтер, прочистена фасада со хоризонтално одвојување на сутеренот и повторување на профилацијата на венецот над вториот кат, со цел визуелно одвојување на катовите од поткровјето. Еден дел од објектот има реновирана фасада во жолтеникава боја.СтоларијаДел од дрвената столарија е задржана, а дел е заменета со прозорци од ПВЦ во бела боја (кај некои е задржана хоризонталната профилација). Од надворешни влезни врати, една е автентична, а во делот каде е реновирана фасдата, влезната врата е заменета со алуминиумск врата со калено стакло.Ентериер / Заеднички содржиниАрмирано бетонски двокраки скали со завршна обработка во терацо и плочки во одреден дел, декоративна метална ограда со дрвен гелендер во црна боја. Внатрешните ѕидови се со завршна обработка малтер и боја. Внатрешни врати се изработени од дрво, ПВЦ и алуминиум.Состојба на надворешносталошаСостојба на внатрешносталошаАвтентичност на надворешностазадоволителнаАвтентичност на внатрешностазадоволителнаПромениПромена на столарија. Во поткровјето на едниот влез е преграден подестот од скалишно јадро во склоп на стан и затворен дел од тераса. Поплочување на одреден дел од влезниот простор. Преградување на проодните кровни тераси и нивно вклучување во станбена површина. Реновирање на фасадата на половина објект.
- Фасадата на половина објект е во лоша состојба во одредени делови, со парчиња малтер кои отпаѓаат од неа. Дополнително, оштетувањата од влага во ентериерот може да предизвикаат опасност за станарите.
- историскa авторство Објектот го преживеа земјотресот од 1963 год. и е врежан во меморијата на градот. Објектот е дело на реномиран автор, еден од главните градители во тој период.
- Препорака до имателите на доброто: Да се почитува вредноста на објектот при поставување на елементи директно на фасадите и доколку се прават промени истите да бидат во насока на зачувување на неговата автентичност.
- Ефремовски М. Чаусидис Н. (2024). Артемушкин и Скопје - Архитектонското творештво меѓу двете светски војни. Скопје 2024 Државен Архив на Република Северна Македонија, Одделение Скопје. арх. бр. 6.1.331.2/12-94.