Црвен Крст
Објекти/Објектот на Црвениот крст во Скопје е проектиран од архитект Јосиф Михајловиќ и е изграден во 1930 година. Објектот на Црвениот Крст во Скопје ја следи низата објекти во опусот на Михајловиќ, каде се среќаваат елементи на српскиот неовизантиски стил поставени врз едноставна фасада. Објектот е дел од периметрален блок, во низа, ориентиран кон булевар и има приземје, мезанин и два ката. Прилагодувајќи го објектот на уличниот фронт, тој обезбедил соодветен простор за јасна и чиста артикулација на фасадните елементи, од кои највпечатлив е геометризираниот "чардак" на првиот кат, кај кој традиционалниот кров со ќерамида е заменет со типичен модерен елемент на тенка хоризонтална плоча.
Карактеристичен елемент е групирањето на прозорските отвори во хоризонтални ленти, издвоени од подлогата со употреба на боја и контраст. Приземната партија, централно, е рустично обработена со камен, сѐ до допирот со влезната партија и комерцијалниот простор симетрично поставени на двата краја на објектот. Независниот архитектонски израз, непристрасен во однос на обврзувањето кон традицијата се воочува преку фолклористичкиот третман на архитектонските елементи.
Архитект Јосиф Михајловиќ
Период 1930-1939
Град / Општина Скопје
/ Центар
Адреса бул. „Кочо Рацин“ бр.13
Катност Пр+М+2
Типологија според оригиналната намена
Типологија според денешната намена
- Хронологија на изградба (проект, градежни фази)Доградба на поткровје – мансарден кров, поставување елементи на покрив (пред 2005 год.) Доградба на објект во склоп на институцијата, зад објектот, во непосредна близина (пред 2005 год.).КатностПр+М+2СтруктураОбјектот е изграден во масивен конструктивен систем. Ѕидовите се од полна тула.ПокривОбјектот е завршен со рамен покрив.ФасадаПриземјето е со рустична обработка од камен, а катовите се во малтер.СтоларијаПрозорците и вратите се изработени од дрво.КонтекстМестоположбата на објектот на Црвениот Крст во централното градско подрачје е согласно идејата за изградба на капитални објекти, белези на градот, во периодот на негова изградба. Објектот е дел од периметрален блок, во низа, до кој подоцна се гради објектот на Јавната берза на трудот, од истиот архитект.
- ПокривМансарден кров, покривање со лим.ФасадаПриземје е со рустична обработка од камен, а катовите се во малтер.СтоларијаПрозорците се замнети со нови, изработени од ПВЦ, надворешна влезна врата и прозорци при влезна партија се алуминиумски.Состојба на надворешностазадоволителнаАвтентичност на надворешносталошаПромениПромена на столарија. Поставување гаражна врата. Доградба на поткровје – мансарден кров и поставување елементи на покривот.
- Објектот е во добра физичка состојба, но со реновирањето и доградбите ги има изгубено интегритетот и автентичноста во голема мера.
- историскa авторство општествена / социјална Објектот го преживеа земјотресот од 1963 год. и е врежан во меморијата на градот. Објектот е во употреба во оригиналната типологија.
- Препорака до имателите на доброто: Да се почитува вредноста на објектот при поставување елементи директно на фасадите и доколку се прават промени истите да бидат во насока на зачувување на неговата автентичност.
- Токарев, М. (2006). 100 години модерна архитектура. Книга трета: Придонесот на Македонија и Југославија 1918–1990. Грчев, К. (2003). Архитектонските стилови во македонската архитектура од крајот на 19 век и периодот меѓу двете светски војни. Скопје: Институт за фолклор „Марко Цепенков“. Државен Архив на Република Северна Македонија, Одделение Скопје. арх.бр. 6.1.298.11/552-586. https://okno.mk/node/81504 (пристапено 15 април 2025).