Дирекција на Шумите / Министерство за Култура на РСМ
Објекти/Објектот на Министерството на шумите е изграден во 1933 год. во централното градско подрачје, на улица „Ѓуро Ѓаковиќ“. Објектот во социјалистичкиот период се пренаменува во објект за Воената команда на град Скопје, во 1998 год. станува споменик на културата, додека од 2005 год., објектот е во функција на Министерството за култура. И покрај различните типологии, објектот ја задржува својата оригиналност.
Доминацијата на објектот се воочува преку неговиот волумен, пространетост и висина во однос на соседните објекти, следејќи ги начелата на монументалниот академизам. Објектот е поставен на агол на блок, прекршен на три дела. Страничната фасада, ориентирана кон ул. „Ѓуро Ѓаковиќ“ е во низа со уличниот фронт, доминантна во нејзината должина, олеснета со ритмично поставени прозорски отвори, кои се развиваат во хоризонтала и вертикала. Фасадата кон споредната улица добива ист третман, но со многу пократка должина, на која се надоврзува внатрешниот двор.
Главниот влез во објектот, скулптурално поставен и подигнат во високо приземје, е на самиот агол, кој е геометриски пресечен и остава впечаток на повлекување од улицата, со што формира плато пред самиот влез. Објектот се карактеризира со прочистена фасада, од која отстапуваат нагласените хоризонтални раздвојни венци.
Година на проектирање 1933
Град / Општина Скопје
/ Центар
Адреса ул. „Ѓуро Ѓаковиќ“ бр. 61
Катност Су+П+2
Типологија според оригиналната намена
Типологија според денешната намена
Заштитен статус Има
- КатностСу+П+2СтруктураОбјектот е изграден во масивен систем со бетонски плочи и ѕидна исполна од тула.ПокривОбјектот има повеќеводен покрив со дрвена потконструкција.ФасадаФасадата е малтерисана со цементен малтер. Има плитка декоративна пластика со расчленување на површината со хоризонтални и вертикални линии.СтоларијаНадворешната и внатрешната столарија се изработени од дрво. Дупли прозорци, ритмично поставени низ целата фасада.ПартерДворот на објектот е ограден со бетонски столпчиња, парапетна исполна од тула и метална ограда.КонтекстОбјектот на Воена команда на град Скопје се наоѓа на агол од блок. Подолгата, репрезентативна фасада е во низа, ориентирана кон улица „Ѓуро Ѓаковиќ“, додека пократката страна е ориентирана кон споредна улица, на која се надоврзува внатрешен двор кој се протега до завршетокот на блокот. Објектот се истакнува во висина и габарит од останатите објекти во соседството.
- ПокривОбјектот има повеќеводен покрив со дрвена потконструкција и завршна обработка од ќерамиди.ФасадаФасадата е малтерисана со цементен малтер. Има плитка декоративна пластика со расчленување на површината со хоризонтални и вертикални линии. Во делот на влезната партија, фасадата во висина на сутерен е обработен со малтер и бела боја. Се појавува профилација на венецот и во делот над влезната партија, преку кој на архитектонско ниво се потенцира главниот влез во објектот.СтоларијаНадворешната столарија е изработени од дрво. Дупли прозорци, ритмично поставени низ целата фасада. Главниот влез е со дрвена дупла врата со стаклени делови и натсветло, врамени во мермерна рамка.ПартерДворот на објектот е ограден со бетонски столпчиња, парапетна исполна од тула и метална ограда.Состојба на надворешностадобраАвтентичност на надворешностадобраПромениЗатворена влезна партија, пристап од улица „Ѓуро Ѓаковиќ“. Отсранет орнамент над главен влез на аголот. Санација на кров, адаптација во ентериер, додадени клима уреди. Додадени знамиња и натписи за потребите на министерството.
- Има Објектот има решение од 1998 и 04.02.2016 година.
- историскa општествена / социјална Објектот го преживеа земјотресот од 1963 год. и е врежан во меморијата на градот. Објектот е во употреба. Во 1998 год. станува споменик на културата.
- Препорака до имателите на доброто: Да се почитува вредноста на објектот при поставување елементи директно на фасадите и доколку се прават промени истите да бидат во насока на зачувување на неговата автентичност.
- Државен Архив на Република Северна Македонија, Одделение Скопје. арх.бр. 6.1.280.13/466-489.