Станбена зграда на Цветан Николиќ
Објекти/Станбениот објект на ул. „Максим Горки“ е една од најстарите градби на оваа улица која го има претрпено земјотресот од 1963 година. Објектот е проектиран во 1936 година, од инженер архитект Коста Новаковиќ. Објектот е дел до перимтерален блок, во низа која го следи уличниот фронт.
На уличната фасада, ориентирана кон ул. „Максим Горки“ се наоѓаат влезовите за комерцијалните простории, додека влезот за станбените единици е од пасаж кој води кон внатрешниот двор на блокот. Основата на објектот е во вид на буквата „Г“, со испуштање во вид на доксат во централниот дел на уличната фасада, а симетријата на објектот е нарушена со еднострани балкони кои формираат мал трем во приземјето.
Архитект Коста Новаковиќ
Година на проектирање 1936
Инвеститор / Сопственик Цветан Николиќ
Град / Општина Скопје
/ Центар
Адреса ул. „Максим Горки“ бр. 16
Катност По+П+2+Пк
Типологија според оригиналната намена
Типологија според денешната намена
- Хронологија на изградба (проект, градежни фази)Постојат два проекти за изградба на објектот: 1928 год. – според кој објектот е со приземје и кат 1936 год. – според кој објектот е со приземје и два ката Градбата е остварена според вториот проект, со минимални измени, изграден е балкон кон улицата. Во приземјето има стан и продавници. Во 2000-тите е дограден испустот во централниот дел кон уличната фасада на ниво на поткровје.КатностПо+П+2+ПкПрограмски опис (опис на план по катови)Во приземје има комерцијални содржини (кон улицата) и една станбена единица. Катовите и поткровјето се со станбена содржина.СтруктураОбјктот е изграден во масивен носив систем, со повеќеводен, кос покрив.ПокривОбјектот има повеќеводен, кос покрив, на дрвена потконструкција.ФасадаФасадата има завршна обработка во малтер, прочистена од орнаменти. Се појавува плитка декорација околу прозорските отвори.СтоларијаНадворешната и внатрешната столарија на објектот е изработена од дрво.Ентериер / Заеднички содржиниСкалите во комуникацискот јадро се изработени во терацо техника со дрвен гелендер на метална конструкција.КонтекстСтанбениот објект се наоѓа во еден од периметралните блокови кои ја формираат улица „Максим Горки“. Објектот е во низа и ја следи линијата на уличниот фронт. Околните објекти ја следат линијата на венецот на овој објект (земајќи ја предвид годината на изградба). Тенденцијата за порамнување на венецот и линијата на балконите се карактеристични за објектите на оваа улица, изградени меѓу двете светски војни.
- ПокривОбјектот има повеќеводен, кос покрив, на дрвена потконструкција.ФасадаФасадата има завршна обработка во малтер, прочистена од орнаменти. Се појавува плитка декорација околу прозорските отвори.СтоларијаДел од прозорците се заменети со ПВЦ прозорци. Во приземјето се поставени алуминиумски врати и фиксни прозорци (излог). На првиот кат и дел од третиот кат се задржани автентичните дрвени прозорци.Ентериер / Заеднички содржиниСкалите во комуникацискот јадро се изработени во терацо техника со дрвен гелендер на метална конструкција. Влезните врати на прв кат се дрвени во бела боја (автентични), останатите влезни врати се променети.Состојба на надворешностадобраСостојба на внатрешностазадоволителнаАвтентичност на надворешностазадоволителнаАвтентичност на внатрешностазадоволителнаПромениПриземјето е целосно реновирано во комерцијалниот дел. Промена на внатрешна и надворешна столарија. Доградба на кат.
- историскa архитектонска и естетска општествена / социјална емотивна Објектот го преживеа земјотресот од 1963 год. и е врежан во меморијата на градот. Објектот е во употреба. Настанокот на оваа улица како агломерација на плоштадот се врзува со првите урбанизации на градот.
- Препорака до имателите на доброто: Да се почитува вредноста на објектот при поставување елементи директно на фасадите и доколку се прават промени истите да бидат во насока на зачувување на неговата автентичност.
- Бошкова, Д., Аџи-Митрески, Г., Голубовски, Д., & Гулески, М. (1989). Една улица во Скопје: Улица „Максим Горки“ 1890–1987. Државен Архив на Република Северна Македонија, Одделение Скопје. арх.бр. 6.1.303.40/231-245.