Основно училиште „Кочо Рацин“
Објекти/Во центарот на градот Прилеп, е некогашната единствена Нижа гимназија, а денеска централно современо осумгодишно основно општинско училиште „Кочо Рацин“. Училиштето е именувано по истакнатиот македонски поет Кочо Рацин. Автор на овој објект е архитект Димитрие М. Леко и е изграден во 1924 година. Основното училиште „Кочо Рацин“ – Прилеп е најстара воспитно-образовна институција во градот.
Училиштето има симетрично решение по хоризонтала и вертикала со потенциран централен дел кај влезната партија што е испакнат во однос на крилата каде се наоѓаат училниците. Забележителна е доста чиста форма на целиот објект со репетитивност во обмислувањето на отворите, потенциран венец на кровот и рустично обработени агли со третостепена пластика.
Архитект Димитрије М. Леко
Година на градење 1924
Град / Општина Прилеп
Адреса ул. „Борка Талески“ бр. 64
Катност По+П+2
Типологија според оригиналната намена
Типологија според денешната намена
Заштитен статус Нема
- Хронологија на изградба (проект, градежни фази)Во 1924 година е изграден. Во 1926 година училишната зграда била завршена и предадена на училишните власти. Во 1941 година е донесено Решение за доградба на уште еден кат. Доградбата започнала со средства собрани од доброволен прилог од населението, а истата завршила во учебната 1945/46 година и се именува како „Полна гимназија на градот“. Во 1970 година има Одобрение за препокривање на кровната конструкција. Во 1974 година има Одобрение за прекопување на дел од попречниот профил на ул. „Борка Талески“ до цел приклучок во градска водоводна мрежа.КатностПо+П+2СтруктураОбјектот е изграден во масивен конструктивен систем.ПокривПовеќеводен покрив од дрвена потконструкција покриен со ќерамиди.ФасадаОбработка со малтер.СтоларијаНадворешната столарија на објектот е изработена од дрво. Репетитивни прозорски отвори и симетричност како целина.КонтекстОбјектот се наоѓа на аголот на ул. „Методија Шаторов - Шарло“ и ул. „Кеј 1 Мај“, во централното подрачје на градот Прилеп веднаш до Прилепска река кон која гледа со својата фронтална фасада. Се наоѓа во непосредна близина на Саат кулата и градскиот пазар.
- ПокривПовеќеводен покрив од дрвена поткострукција покриен со ќерамиди.ФасадаМалтер во жолта боја, со нагласување на рабовите со потемна жолта боја. Чиста форма на целиот објект со репетитивност во обмислувањето на отворите, потенциран венец на кровот и рустично обработени агли со третостепена пластика.СтоларијаНадворешната столарија на објектот е изработена од дрво. Репетитивни прозорски отвори и симетричност како целина.ПартерУчилиштето се наоѓа на самата улица. На задната страна од објектот има големо асфалтирано игралиште со опрема кое е во функција. Околу објектот има зеленило и е поставена урбана опрема како клупи и маси. На педната страна поплочено е со бекатон плочки.Состојба на надворешностадобраАвтентичност на надворешностадобраПромениРеконструирана фасада.
- Нема
- историскa архитектонска и естетска авторство техничка општествена / социјална Основното училиште „Кочо Рацин“ – Прилеп е најстара воспитно-образовна институција во градот. Објектот е врежан во меморијата на градот.
- Препорака до имателите на доброто: Да се почитува вредноста на објектот при поставување на елементи директно на фасадите и доколку се прават промени истите да бидат во насока на зачувување на неговата автентичност.
- Градителите во Македонија XVIII-XX век - Георги Константиновски.