Станбен објект на ул. „Козара“
Објекти/Станбениот објект се наоѓа на аголот на ул. „Козара“ и ул. „Панде Николов“. Претставува индивидуален слободностоечки објект на приземје и кат. Претставува слободностоечки објект со квадратна правилна форма на основа и структурално одвоен скалишен простор што е чест пример за индивидуалните куќи од тој период. Делот со скалишниот простор во основа е изместен и по вертикала се истакнува над останатиот дел од куќата.
Период 1940-1949
Град / Општина Битола
Адреса ул. „Козара“
Катност По+П+1
Типологија според оригиналната намена
Типологија според денешната намена
- КатностПо+П+1Програмски опис (опис на план по катови)Во приземјето и катот има станбени содржини. Во куќата се влегува преку вовлечен главен влез на јужната фасада. Скалишното јадро е јасно потенцирано, тој дел е за нијанса повлечен и додава на динамичност на едноставната форма. Планот на приземјето е идентичен со планот на катот.СтруктураОбјектот е изграден во масивен конструктивен систем. Ѕидовите на приземјето, катовите и во таванот се од полна тула со варов малтер. Кровната конструкција е дрвена.ПокривЧетириводен кров од дрвена конструкција покриена со ќерамиди.ФасадаНадворешната обработка е во цементен малтер во окер боја. Цоклето е потенцирано со камена имитација. Со оглед на разиграноста на фасадата според програмата и намената на просторот, делот каде што се наоѓаат скалите е со декоративни таканаречени "ниши" во правоаголна форма долж катовите и кружна форма на надоѕидокот на кровот.СтоларијаНадворешната столарија била дрвена. Впечатливи се континуираните отвори во должина на скалишниот простор од приземјето до катот, како и кружните отвори кои се повторуваат и во подрумскиот дел.ПартерОбjектот е поставен како самостојна градба во релативно голем двор и се наоѓа во резиденцијалната населба. Со својот прочистен архитектонски израз и фасадна декорација несомнено се истакнувала во однос на соседните објекти и придонесувала кон збогатување на урбаниот лик. Ниска метална ограда поставена на бетонско цокле околу целиот објект.КонтекстСлбодностоечки објект на рамен терен, прилично близу до самиот центар на градот.
- ПокривЧетириводен кров од дрвена конструкција покриена со ќерамиди.ФасадаНадворешната обработка е во цементен малтер во окер боја. Цоклето е потенцирано со камена имитација. Со оглед на разиграноста на фасадата според програмата и намената на просторот, делот кајшто се наоѓаат скалите е со декоративни таканаречени "ниши" во правоаголна форма долж катовите и кружна форма на надоѕидокот на кровот.СтоларијаПовеќето позиции на столарија се заменети од дрвена во ПВЦ. Некои отвори се дополнително намалени и затворени т.е доградувани. Додадени ролетни за заштита од сонце.ПартерОбjектот е поставен како самостојна градба во релативно голем двор и се наоѓа во резиденцијалната населба. Со својот прочистен архитектонски израз и фасадна декорација несомнено се истакнувала во однос на соседните објекти и придонесувала кон збогатување на урбаниот лик. Ниска метална ограда поставена на бетонско цокле околу целиот објект.Состојба на надворешностазадоволителнаАвтентичност на надворешностазадоволителнаПромениИнтервенции се направени во однос на доградба на помошна просторија во партер и настрешница. Објектот е со мали промени во однос на фаадата како промена на столарија, затворање на тераси, намалување и затворање на отвори, копање и пуштање инсталации по фасада.
- Да се запушти комплетно или да се видоизмени.
- историскa архитектонска и естетска емотивна
- Надлежните институции за заштита на културното наследство и до останатите носители на одлуки: Земајќи ги предвид автентичноста, состојбата на сочуваност и културно-историското эначење на објектот како нераскинлив дел од развојот на Битола, истиот да биде препознаен како градителско културно наследство од периодот помеѓу двете Светски војни и да биде впишан во инвентарот за вредни објект. Препорака до имателите на доброто: Да се почитува вредноста на објектот при поставување на елементи директно на фасадите и доколку се прават промени истите да бидат во насока на зачувување на неговата автентичност.