Куќа на Александар Сотиривиќ

Куќата е поставена како самостоен објект во поголем двор. Конципирана е на високо приземје, кат и потрковен простор само во еден дел од основата. Основата е замислена со засебен дел за послуга - кујна, остава на приземје, вешара во подрумот и соба на катот. Овој дел добива засебен надворешен влез и засебно скалиште, но е поврзан со делот за живеење. На страната кон внатрешноста на блокот, се појавува динамична игра на волумени со третманот на скалишното јадро кој е акцениран и ја надминува висината на венец. Фасадата која е свртена кон надвор е по статичка и претставителна, со јасна поделба по катови и симетрија со мали отстапки - испуштена тераса на едната страна. Во централниот дел на високото приземје се појавува полуцилиндричен волумен кој е и тераса за вториот кат. Потоа централниот дел на катот е акцентиран со стреа и кровен надоѕидок со полукружен завршеток на прозор, што ја нагласуваат симетријата. На фасадите се појавува секундарна декоративна пластика.